التخطي إلى المحتوى
أصابوه ب350 غرزه.. ضحية بدار السلام يروي تفاصيل الحادث
أصابوه ب350 غرزه

كشف نقاش فى دار السلام بالقاهره تفاصيل تعدى اشخاص عليه بمنطقه دار السلام بالضرب مستخدمين اسلحة بيضاء مسببين به جروحا قطعيه فى اجزاء من جسده واصابته بفقء عينه اليمنى والتى تسببت فى خياطه 350 غرزه بجسده.. تابع معنا تفاصيل الحادث من خلال موقعنا عربى نيوز

وقد قال ضحيه التعدى عبر بث مباشر: انا مش بحب المشاكل وماينفعش حد يعتدى على والدى وانا واقف واللى حصل انى كنت راجع من الشغل ولقيت واحد بيهين والدى قولتله ماينفعش تهينه فضربني بكوبايه الشاى وضربني بسلاح ابيض فى عينيا

وكان معاه كذا حد ومعاهم اسلحه وقطعوا صباعى وكف ايدى من قدام ولقيت الدم كتير فجريت ونمت فى الارض ومحستش بأي حاجه

اثر الحادث

واضاف: انا مش بشوف بعينى اليمين والدكتوره مضتنى على تقرير هتعملي عمليه تجميل بس مش هاشوف بعينى اليمين تانى

وفقدت صباعي وانا عندي 3 اولاد وانا اللى بصرف على بيتى ونفسى ارجع زي ما كنت الاول

سبب الجريمه

سبب ارتكاب المتهمين للجريمه قال الضحيه ان المتهم كان معاه اخرين راحوا لاخوه المدعو احمد قالوله "جايبين ليك شغلان" وهو رفض

وقالوله "روح وهايطلع ليكم حسنه" ولكنه مراحش فقالوله احنا كدة عايزين منك الف جنيه عشان انت ماروحتش الشغل

وانت لو كنت رحت كنا هانكسب قالهم انا ماشتغلتش قالوله لا هناخد منك الف جنيه

وفى حين عودة الضحيه مصطفى من عمله بالصدفه لقى المتهمين بيهينوا والده واثناء تدخله قد تعدوا عليه واحدثوا به الاصابات الموجوده بجسده.